اسلام آباد۔26دسمبر(اے پی پی) د سائنس ٬ ټېكنالوجي ٬ زده كړو او پېشه ورې تربيې وفاقي وزير ډاكټر خالد مقبول صدیقی د او آئي سي د قائمه كمېټۍ کامسټېک کوآرډینېټر جنرل پروفېسر ډاکټر اېم اقبال چوهدری سره د زيارت په ورځ په اسلام آباد كښې د فلسطيني سفارتخانې دوره وكړه او فلسطيني سفير ډاكټر زوهېر زېد سره يۍ خصوصي ملاقات وكړو۔ د ملاقات په مهال ډاكتر اېم اقبال چوهدري فلسطيني ځوانانو لپاره د كامسټېك اقدامات په خاص توګه د 5,000 سکالرشپس او فېلوشپس منصوبې تفصيلات وړاندې كړل۔ وفاقی وزیر ډاكټر خالد مقبول صديقي فلسطين لپاره د حكومت او اولس لخوا د بشپړه ملاتړ پخلے وكړو۔ ده د عمان خپلې اوسنۍ دورې حواله وركولو سره ووئيل چې دغلته د بېلو هېوادونو د زده كړو وزيرانو سره فلسطين سره د زده كړو په څانګه كښې مرسته كولو له په ګډه د اقداماتو په كولو د خيالاتو څرګندونه وشوه۔ ده باور وركړو چې پاكستان په فلسطين كښې د تعليمي ادارو بحالۍ كښې د عملي مرستې عزم لري۔ ډاكټر مقبول صديقي ووئيل ما په اسلام آباد كښې د او آئي سي د غړو هېوادونو د زده كړو وزيرانو يو غېر معمولي غونډې رابللې وړاندېز وركړے دے دغسې چې د فلسطين مرستې لپاره يو بشپړه او د اوږدې مودې منصوبه تياره كړې شي۔ په پاكستان كښې د فلسطين سفير ډاكټر زوهېر د کامسټېک او پاكستاني اولس مننه وكړه۔ ده ووئيل د فلسطيني اولس ملاتړ به كله هم هېرولې نه شي۔ ده ووئيل دا دوره د پاكستان او كامسټېك لخوا فلسطين سره د يووالي عزم او ددې په تعليمي او اداره جاتي پرمختګ كښې كردار ترسره كولو له د پرله پسې هڅو عكاسي كوي۔
