اسلام آباد۔12 دسمبر(اے پی پی) پاکستان په غزہ كښې د سمدستي او غېر مشروط جنګ بندۍ په شمول د غزه په پټۍ او لوېديزه غاړه كښې د مرستې كارروائيو لپاره د یو اېن آر ډبلیو اے په ضد بندېزونه لرې كولو له د ملګرو ملتونو د قرارداد هركلے كړے دے۔ د خارجه دفتر وياندې ممتاز زهره بلوچ د زيارت په ورځ پرېس بريفنګ كښې ووئيل مونږ په فلسطين كښی د دښمنې په سمدستي توګه ختمولو ، په غزه كښې د نسل وژنې ختمولو ، د وګړو او بنيادي اډانې تحفظ ٬ ضرورتمندو ته په سمدستي توګه د بشري مرستې رسولو ٬ د یو اېن آر ډبلیو اے بشپړه مرستې او د ضرورت مندو د روغتيا د خاص خيال ساتلو غوښتنه كوؤ۔ وياندې په نړيوالې ورورولۍ زور راوړو چې هغه دې اسرائيل په خپلو جنګي او په مقبوضه سيمو كښې د انسانيت په ضد د جرمونو په كولو ځواب وركونكے وګرځوي
