رحيم يار خان 23 اګست(اے پي پي) د كورنيو چارو وفاقي وزير محسن نقوي د كچے سيمه كښې آپرېشنل فورس لپاره د اړوندو حفاظتي اقداماتو په حاجت زور راوړولو سره فورس ته د عصري وسلو او سيفټي آلات وركولو ٬ په سباؤن كښې د دا ډول پېښو مخنيوي له د ټولو ضروري اقداماتو كولو او د كچے شرخوښو په ضد د فعاله آپرېشن كولو امر كړے دے۔ د جمعې په ورځ د داخله وزارت لخوا جاري شوي بيان له مخې د كورنيو چارو وفاقي وزير په مشرۍ كښې د رحيم يار خان په هوائي مېدان د اعلٰی كچې غونډه وشوه۔ په غونډه كښې داخله وزير محسن نقوي ته د كچے په سيمه كښې د رامخې ته شوې د افسوس وړ پېښې په اړه د پنجاب پوليس٬پنجاب رينجرز او سندھ پوليس لخوا بريفنګ وركړے شو۔ داخله وزير محسن نقوي د كچے په سيمه كښې آپرېشنل فورس لپاره د حفاظتي اقداماتو په حاجت زور راوړو۔ ده په آپرېشن كښې برخه اخستونكي فورس ته د عصري وسلې او سېفټي آلاتو وركولو هدايت وكړو۔ ده ووئيل چې د افسوس وړ پیښه رامخې ته شوې او زمونږ 12 مېړني ځوانان شهيدان شوي۔ داخله وزير په سباؤن كښې د دا ډول پېښو مخنيوي له د ټولو ضروري اقداماتو كولو او د كچے شرخوښو په ضد د فعاله آپرېشن كولو امر وكړو۔ په غونډه كښې د پنجاب پوليس انسپكټر جنرل٬د پنجاب رينجرز ډي جي٬د پنجاب سي ټي ډي٬د پنجاب او سندھ پوليس اعلٰی چارواكو ګډون وكړو
