فېصل آباد 29 ستمبر (اے پي پي) د رېلوے پارلماني سېكتر ميا فرخ حبيب وئيلي دي چې وزيراعظم عمران خان په ملګرو ملتونو كښې د كشميريانو مقدمه په ښه ډول وړاندې كړې٬ په تېر وخت كښې د دې مثال نه ترلاسه كېږي٬ د عمران خان وېنا د مودي حكومت مكروه څېره د ټولې نړۍ په وړاندې څرګنده كړې٬ پاكستانې قوم په خپل لارښود فخر كوي۔ يو لاريون ته په خپله وېنا كښې ده ووئيل چې عمران خان يو بهادر٬ نه يرېدونكې او جري ليډر دے كوم چې په ملګرو ملتونو كښې د هند مكروه څېره څرګنده كړې او ټولې نړۍ ته معلومه شوې چې د هند حكومت په بې ګناه كشميريانو ځكه ظلم كوي چې دوي خپل د آزادې حق غواړي۔ ده ووئيل چې اپوزيشن په عمران خان ځكه نيوكې كوي چې ده د بدعنوان عناصرو په ضد عمليات پېل كړي دي او اپوزيشن نه غواړي چې د هېواد دولت لوټ كوونكي سزاوار شي۔
