اسلام آباد۔27دسمبر(اے پی پی) د تجارت وفاقي وزير جام كمال خان د پاكستان – كوريا اقتصادي همكارۍ لوظنامه (ای پی اے) لاس ليك كولو له د سوئيلي كوريا په سركاري دوره د جنورۍ په 8 مه نېټه روانيږي۔ د تجارت وزارت لخوا د جاري شوي اعلاميې له مخې دا دوه ورځنۍ دوره دوه اړخيزه اقتصادي همكاري زياتولو پلو يو ګام دے۔ د خپلې دورې په مهال به وفاقي وزير مهمو همكارانو سره خبرې كو په كومو كښې چې په كوريا كښې پاكستانۍ كاروباري ورورولي ٬ نومووړي كوريائي سرمايه كار ٬ د كوريا د تجارت وزير او نور اعلی چارواكي شامل دي۔ ددې مهمې دورې تيارۍ لپاره جام كمال خان ته د جمعې په ورځ د اړوند سركاري ونګز لخوا يو بشپړ بريفنګ وركړے شو۔ د تجارت وزير به د خپلې دورې په مهال د انټرنېشنل اکنامک انسټی ټیوټ صدر هم ملاقات كوي۔ وفاقی وزیر به د ملاقات په مهال د كوريا صنعتونه پاكستان ته د راغب كولو په تګلار د خيالاتو څرګندونه كوي۔ دې سره سره وفاقي وزير به د اېګزام بېنک استازو سره هم ملاقات كوي۔ وفاقي وزير به كوريا كښې كاركوؤنكو پاكستاني مزدورانو سره هم ملاقات كوي۔
