کراچۍ 23 اکتوبر (اے پي پي) د تجارت وفاقي وزير جام کمال د شورو په ورځ په كراچۍ كښې د نړيوال ټيکسټائل اينډ ليدر فليګ شپ(ټيکسپو) 2024 ډيجيټل نندارتون پرانسته كړې٬ په دې موقع د سندھ وزيراعلٰې مراد علي شاه٬ د خېبر پښتونخوا ګورنر فېصل كريم كنډي او د ټرېډ ډويلپمنټ اتهارټۍ آف پاكستان (ټډاپ) چيئرمېن زبېر موتي ولا هم موجود وٶ۔ د خاص مېلمه په توګه د تجارت وزير د نندارتون پرانستې په موقع خپلو خبرو كښې ووئيل زه باور لرم چې د پاکستان ټيکسټائل او د څرمنې صنعتونه به د سركاري او نجي څانګې ترمېنځه د كوټلو هڅو د لارې مضبوط، لچکدار او په زيات مسابقتي توګه رامخې ته شي۔ د يادونې وړ ده د كراچۍ په اېكسپو سنټر كښې به د 23 نه تر 25 اكتوبر د نړيوال ټيکسټائل اينډ ليدر فليګ شپ(ټيکسپو) نندارتون كېږي ۔
