رياض 30 اكتوبر (اے پي پي)وزيراعظم محمد شهباز شريف د سعودي عرب پايه تخت رياض كښې 8م فيوچر انويسټمنټ انيشيټو كنفرنس په موقع د ويتنام وزيراعظم فام من چن سره ملاقات كړے۔د شورو په ورځ د وزيراعظم آفس پرېس ونګ لخوا جاري شوي بيان له مخې د ملاقات په مهال د دواړو هېوادونو لارښودو د پاكستان ويتنام دوه اړخيزه اړيكو په خاص توګه تجارت او سرمايه كارۍ زياتولو په اړه د خيالاتو څرګندونه وكړه ۔وزيراعظم محمد شهباز شريف د پاكستان او ويتنام اړيكو ته ودې وركولو په اړه خبرو كښې ووئيل د دواړو هېوادونو ترمينځه تجارت او سرمايه كارۍ كښې مرستې زياتولو ګڼ شمير موقعې او استعداد شته۔وزيراعظم دې مقصد لپاره د دواړو هېوادونو ترمينځه تجارتي او د كاروباري پلاويو د تبادلې تجويز وړاندې كړو۔دواړو لارښودو اولسي اړبكو لا زياتولو او د دواړو هېوادونو ترمينځه د سېلګرۍ ودې لپاره د خپل عزم څرګندونه وكړه۔وزيراعظم محمد شهباز شريف آسيان تنظيم كښې د پاكستان بشپړ ډائيلاګ پارټنر جوړېدو هڅو په اړه د ويتنام څخه د مرستې خواست وكړو۔وزيراعظم شهباز شريف د ويتنام وزيراعظم ته د پاكستان سركاري دورې كولو بلنه هم وركړه۔په ملاقات كښې د دفاع وزير خواجه محمد آصف٬د خزانې وزير محمد اورنګزېب٬د نجكارۍ وزير عبدالعليم خان٬او د پېټروليم وفاقي وزير مصدق ملك٬د تجارت وزير جام كمال خان او د اطلاعات او خپرونو وفاقي وزير عطاﺀ الله تارړ هم موجود وو۔
