پیرس ۔26نومبر (اے پي پي ) فرانس كښې د پاکستان سفیر عاصم افتخار احمد د یونیسکو د ایګزیکټو بورډ په اتمه خصوصي غونډه كښې د نړۍيوالې ورورولۍ پام غزہ كښې د اسرائیل ظلمونو په خاص توګه د زده كوونكو ناوړه حالت ته ګرځولو سره د اسرائیل د جنګي جرائمو په احتساب زور راوړے ۔ د پاکستان سفیر عاصم افتخار احمد د ملګرو ملتونو د ریلیف اینډ ورکس ایجنسي (یو این آر ډبلیو اے) د اړخه د فلسطین كډوالو په خاص توګه مقبوضه فلسطین سيمو كښې د خپلو مهمو کارروائیانو جاري ساتلو په ضرورت زور راوړو ۔ ده په دې خبره زور راوړو چې د ایجنسۍ تعلیمي خدمات د روانې شخړې له امله ځپلے كېږي ، چې پكښې په زرګونو فلسطینیيان طلباء او استاذان مړه يا ژوبل شوي دي او د غزہ زیاترہ تعلیمي ډھانچه تباہ شوې ده۔ سفیر احمد د اسرائیل د اقدامات غندنه كولو سره ووئېل په نړۍ كښې چرته په تعلیم داسې بريد نه دے شوے ۔ ده ووئېل د 10 زره نه زيات زده كوونكې مړه شوي او د 15000 نه زيات ژوبل شوي دي ، چې پكښې ډېر ماشومان هم دي ۔دغسې د 400 نه زيات استاذان مړه او د 2400 نه زيات ژوبل شوي دي او نزدې ټولو تعلیمي ودانيو ته زيان رسېدلے يا تباه شوي دي ۔ ده د اسرائیل د نړيوال قانون په منظمو خلاف ورزو ، په خاص توګه د بشري قانون په خلاف ورزی هم ټكونه وكړل او په قابض طاقت يې د جنګی جرائمو او د انسانیت په خلاف د جرائمو كولو تور ولګولو ۔ سفیر احمد ووئېل په دې شخړه كښې د یو این آر ډبلیو اے 247 د عملې غړي وژلې شوي كوم چې په يوه جنګي علاقه یا قدرتي آفت كښې د ایجنسۍ تر ټولو زيات ځاني زيان دے
