اسلام آباد۔28جنوری (اے پی پی):چیئرمین سینیٹ محمد صادق سنجرانی کیچ بلوچستان اچ سکیورٹی فورسز دی چیک پوسٹ تے دہشت گرد حملے دی شدید الفاظ اچ مذمت کیتی اے ۔سینیٹ سیکرٹریٹ دی طرفوں جاری بیان موجب چیئرمین سینیٹ دہشت گرداں دے حملے دے نتیجے اچ شہید تھیوݨ آلے سکیورٹی فورسز دے اہلکاراں دے اچے درجے تے اہل خانہ کیتے صبر و جمیل دی دعا کیتی اے ، انہاں آکھیے جو وطن عزیز کیتے جاناں قربان کرݨ آلے شہدا کوں خراج عقیدت پیش کریندوں ۔ انہاں آکھیے جو شر پسند عناصر پاکستان دی ترقی اتے استحکام دے مخالف ہن، وطن دے دفاع اتے امن و امان دے قیام کیتے دھرتی دے بہادر سپوتاں دیاں قربانیاں کوں ہمیشہ یاد رکھیا ویسی ، انہاں آکھیے جو ملک دشمن عناصر اپݨے مقاصد اچ کݙاہیں کامیاب نہ تھیسن ۔
