اسلام آباد 25 اګست (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې كرتارپور سكهـ ټولنې لپاره مقدس ځائ دے٬ د سكهـ ټولنې د مذهبي جذباتو احترام كوو٬ په پاكستان او ټوله نړۍ كښې د اقليتونو حقونو لپاره وزيراعظم عمران خان پوخ عزم لري۔ د اتوار په ورځ په ټويټر په خپل پېغام كښې هغې ووئيل چې پاكستان د ټولې نړۍ او د هند نه راتلونكو سكهـ ياتري لپاره د كرتاپور لارې پروژې ترسره كولو پوخ عزم لري۔ هغې ووئيل چې دا پروژه د مذهبونو ترمېنځه د همغږۍ په نړۍ كښې يو غوره مثال دے۔ هغې ووئيل چې مونږ ته د پاكستان په بېرغ كښې سپين رنګ دومره ګران دے لكه څومره شين رنګ۔ هغې ووئيل چې په پاكستان او ټوله نړۍ كښې د اقليتونو حقونو لپاره وزيراعظم عمران خان پوخ عزم لري۔
